Home > Santai, Uncategorized, Wejangan Kyai > Sholawat Gusdur

Sholawat Gusdur


استغفرالله ربّ البراي ……الخ

ربيّ زدنى علما نافعا…….الخ

يا رسول الله سلام عليك…..الخ

Ngawiti ingsun nglaras syi’iran,

Kelawan muji maring pangeran,

Kang paring rohmat lan kenikmatan,

Rino wengine tanpo pithungan  …. 2 X

Duh bolo konco  priyo, wanito,

Ojo mung ngaji syari’at beloko

Gur  pinter dongeng nulis lan moco

Tembe mburine bakal sangsoro  …..  2 X

 

Akeh kang apal Qur’an Hadise,,,,

Seneng ngafirke marang liyane,

Kafire dhewe  nda’ di gatekke

Yen iseh kotor ati akale … 2 X

Gampang kabujuk nafsu angkoro

Ing pepaese gebyaring dunyo

Iri lan meri sugihe tonggo

Mulo atine peteng lan nesto … 2 X

 

Ayo sedulur jo nglaleake

wajibe ngaji sak pranatane

go ngandelake iman tauhide

Baguse sangu mulyo matine … 2 X

 

Kang aran sholeh, Bagus atine,

Kerono mapan sari ngilmune,

Lagu thoriqot lan ma’rifate

Ugo hakikat manjing rasane … 2 X

 

Al qur’an qodim Wahyu minulyo

Tanpo tinulis Iso diwoco

Iku wejangan guru waskito

Den tancepake ing jero dodo … 2 X

 

Kumantil ati lan pikiran

Rasuking padang kabeh jerohan

Mukjizat rosul dadi pedoman

Minungko dalan manjingi iman … 2 X

 

Kelawan Allah kang moho suci

Kudhu rangkulan rino lan wengi

Ditirakati diriyadhohi

Dzikir lan suluk jo nganti lali … 2 X

 

Uripe ayem rumongso aman

Dununge roso tondo yen iman

Sabar narimo najan pas-pas an

Kabeh tinakdir saking pangeran … 2 X

 

Kelawan konco dulur lan tonggo

Kang podo rukun ojo dok sio

Iku sunahe rasul kang mulyo

Nabi Muhammad panutan kito … 2 X

 

Ayo nglakoni sekabehane

Allah kang bakal ngangkat derajate

Senajan asor toto dhohire

Ananging mulyo maqom derajate … 2 X

 

Kalopalastro ing pungkasane

Ora kesasar ruh lan sukmane

Den gadang Allah suryo manggone

Utuh mayite ugo ulese … 2 X

يا رسول الله سلام عليك…..الخ

الفاتحة….

About these ads
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

%d bloggers like this: